تعرف على.. أسهل 10 دول للسفر من مصر بدون تاشيرة

كمصريين، احيانا بيكون عندنا مشكلة في السفر برة مصر بسبب صعوبة الحصول علي التأشيرة !

ومع انخفاض قيمة الجنية، وطبعا زيادة اسعار الطيران والفنادق لانها مرتبطة بالعملة، السفر بقي صعب شوية، ولازم ندور علي الدول الي تأشيرتها مش صعبة او مُكلفة، السفر مش شرط يكون لاوروبا او امريكا، فية اماكن كتير جميلة ممكن تسافر ليها وتأشيرتها سهلة.

1- ماليزيا:
ماليزيا تُعتبر من أجمل دول آسيا وهي الوجهة السياحية الاولي للسائح العربي بشكل عام ، الناس هناك شبهنا وتقاليد البلد قريبة مننا، ماليزيا مش بتطلب فيزا بس ليها تصريح أمني من “مجمع التحرير” وده سهل بياخد كام يوم وتستلمة.

ملحوظة مهمة حتي لو في جواز سفرك مكتوب مهنة لازم برضة تجيب تصريح امني.




2- تايلاند:
تايلاند دايما هتلاقيها من اول 4 دول علي مستوي العالم من حيث عدد الزوار كل سنة، ملهاش فيزا وليها تصريح امني وسهل برضه مش بياخد اكتر من 4 ايام.

3- كوريا الجنوبية:
من البلاد المتقدمة جدا في جميع المجالات والسفر ليها متعة وتجربة ملهاش مثيل، كوريا الجنوبية مش بتطلب فيزا في حالة السفر ليها كسياحة، بس خد بالك لانك لما توصل المطار هناك ظابط المطار هيسألك جاي ليه وايه البرنامج، يعني هيعمل ليك زي “مقابلة” قبل ماتدخل البلد وده بسبب الحالات الكتير لكسر الفيزا من المصريين هناك.

4- لبنان:
تذاكر الطيران ليها مش غالية وبلد جميلة جدا للسياحة، لبنان مش بتطلب فيزا بس الاحسن بس يفضل يكون معك مبلغ مالي “من 1.000 ل 2.000” دولار وانت داخل المطار هناك.

5- هونج كونج:
هونج كونج، جزيرة تابعة للصين مش بتطلب منك تأشيرة دخول ، بحد اقصي 3 شهور، بس خلي بالك لان الحياة هناك غالية.




6- جزر المالديف:
دايما اسم جزر المالديف مرتبط في أذهان الناس بانة مكان غالي جدا للسفر، وده كلام مش مظبوط لان جزر المالديف متقسمة جزر سياحية غاليه وجزر محلية وده سعرها معقول جدا، الأهم ان جزر المالديف مش بتطلب منك فيزا، وبتاخد الفيزا هناك في المطار.

7- كينيا:
افريقيا ناس كتير مش بتحب تسافر ليها رغم ان افريقيا فيها مناطق كتير ساحرة وتستحق تجربة السفر ومن الدول ده كينيا الي مش بتطلب منك تأشيرة مسبقة وبتاخد الفيزا هناك من المطار مقابل 50 دولار.

8- مدغشقر:
مدغشقر جزيرة تُعتبر جنة علي الارض في افريقيا وبتدي للمصريين تأشيرة لمدة 90 يوم وبتاخدها من المطار هناك.




9- دومينيكا:
حبينا نختار دولة من امريكا الجنوبية، دومينيكا هي جزيرة في البحر الكاريبي، دولة الدومنيكان بتدي للمصريين تأشيرة دخول لمدة 21 يوم

10- جورجيا:
جورجيا لحد وقت قريب كانت بدون تاشيرة، فقط فيزا “اون لاين “، وعلي الرغم أن جورجيا دخلت ضمن التصريح الأمني الا انها لسا من الدول السهل جدا الحصول علي تأشيرتها، وبتديك فيزا 3 شهور بحد أقصي شهر هناك.

المصدر: Destinia


للمزيد من الوظائف يومياً تابعنا على صفحتنا على الفيس بوك افضل وظائف.كوم (اضغط هنا للمتابعة)
او من خلال جروب أفضل وظائف
من هنا

بيان بأسماء الشركات المحظور التعامل معها بمصر والخارج من وزارة القوى العاملة

تعرف على… افضل 24 شركة لإلحاق العمالة بالخارج

رسالة الموقع

يهدف موقع أفضل وظائف. كوم لتقديم أفضل خدمات التوظيف للشركات والباحثين عن عمل بأسهل طريقة وأقل وقت.

تابعنا على مواقع التواصل الإجتماعي